Framkvæmdir og breytingar á upplýsingaveri skólans

Nú standa yfir miklar breytingar á upplýsingaverinu annað árið í röð og eins og oft hafa framkvæmdir dregist af ýmsum ástæðum. Einnig varð vatnstjón á hillum og bókum þannig að endurnýja þarf húsbúnað og bókakost að einhverju leyti. En vonandi verður hægt að hefja starf í upplýsingaverinu fyrstu vikuna í september. 

Lesa >>

Prenta | Netfang

Göngum í skólann

Breiðholtsskóli  hefur ákveðið að taka þátt í Göngum í skólann, verkefni á vegum Íþrótta- og Ólympíusambands Íslands, Embætti landlæknis, Mennta- og menningarmálaráðuneytisins, Ríkislögreglustjóra, Samgöngustofu, Slysavarnarfélagsins Landsbjargar og Heimilis og skóla. Göngum í skólann verður sett miðvikudaginn 6. september og lýkur formlega með alþjóðlega Göngum í skólann deginum miðvikudaginn 4. október.

Þetta er í ellefta sinn sem verkefnið er haldið hér á landi og hefur þátttaka aukist jafnt og þétt. Megin markmið verkefnisins eru að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni. Fræða þau um ávinning reglulegrar hreyfingar, að draga úr umferðarþunga, mengun og hraðakstri nálægt skólum. Auk þess er reynt að stuðla að vitundarvakningu fyrir virkum ferðamáta og umhverfismálum og það hversu “gönguvænt” umhverfið er.

Á síðasta ári tóku milljónir barna frá 40 löndum víðs vegar um heiminn þátt í Göngum í skólann með einum eða öðrum hætti. Nánari upplýsingar um verkefnið er að finna á vef þess www.gongumiskolann.is

Breiðholtsskóli
hefur nú þegar verið skráður til leiks og hvetjum við alla til þess að taka þátt. Við stefnum að því að fara út og ganga saman miðvikudaginn 6. september. Það verður síðan sett í hendur hvers kennara fyrir sig hvernig þetta verður framkvæmt og hvaða bekkir eða bekkjardeildir ætla að gera í þessu tilefni til að hvetja alla nemendur til að nota virkan ferðamáta til og frá skóla.Einnig hvetjum við ykkur kæru foreldrar/forráðamenn til þess að nýta ykkur verkefnið og þá umræðu sem skapast þennan mánuðinn til þess að ræða þessi mál við börnin ykkar og fara öruggustu leiðina í skólann með yngstu börnunum.Vonandi gengur þetta vel hjá okkur og verum endilega opin fyrir þessu og jákvæð og nýtum haustið til að vekja athygli á hreyfingu og öryggi barnanna okkar á leiðinni í skólann   J

Prenta | Netfang

Kynning á ytra mati Breiðholtsskóla

Miðvikudaginn 30. ágúst var kynning á niðurstöðum ytra mats í Breiðholtsskóla fyrir foreldra og starfsmenn skólans sem fram fór á vorönn 2017. Framkvæmd Ytra matsins var á vegum skóla- og frístundasviðs sem fékk utanaðkomandi matsmenn til verksins. Matsmenn voru Birna Sigurjónsdóttir og Oddný Eyjólfsdóttir. Eftir kynningu frá Birnu Sigurjónsdóttur voru fyrirspurnir úr sal. Mjög góð mæting var á kynninguna bæði frá foreldrum og starfsmönnum. Hægt er að skjá skýrslu ytra matsins hér á heimasíðu skólans.  Fundargerð frá fundinum er hér

Prenta | Netfang

Skólasetning

Skólasetning í Breiðholtsskóla verður þriðjudaginn 22. ágúst.
2. - 4. bekkur mætir kl. 9:00
5. - 7. bekkur mætir kl. 10:00
8 .- 10. bekkur mætir kl. 11:00

Foreldrar/forráðamenn eru hvattir til þess að mæta með börnum sínum á skólasetningu í hátíðarsal skólans. Eftir skólasetningu fylgja nemendur umsjónarkennurum inn í kennslustofur.

Nemendum 1. bekkjar verður boðið í viðtal hjá umsjónarkennara mánudaginn 21. ágúst og þriðjudaginn 22. ágúst. Skólasetning hjá 1. bekk verður miðvikudaginn 23. ágúst kl. 8:30 - 9 og hefst kennsla samkvæmt stundatöflu eftir það. 
Viðtöl og skólasetning hjá nemendum 1. bekkjar
Nemendum 1. bekkjar er boðið í viðtal hjá umsjónarkennara mánudaginn 21.ágúst og þriðjudaginn 22. ágúst. Skólasetning hjá 1. bekk verður miðvikudaginn 23. ágúst kl. 8:30 -9 og hefst kennsla samkvæmt stundatöflu eftir það.

Prenta | Netfang

Fleiri greinar...