Breiðholtsskóli með frábært atriði og keppir til úrslita í Skrekk.

Breiðholts­skóli tryggði sér sæti í úr­slitum Skrekks í síðustu viku með atriðið Af hverju ég? Skrekkur er hæfi­leika­hátíðar skóla- og frí­stunda­sviðs Reykja­vík­ur. Í ár tóku sam­tals 24 grunn­skól­ar þátt eða yfir 600 unglingar í frum­sömd­um atriðum sinna skóla og spreyttu sig í leik­list, tónlist, söng, dansi, hljóðfæra­leik, bún­inga­hönn­un, förðun ljós­um, hljóði og ann­arri sviðsvinnu. Eftir standa nú 8 skólar og er Breiðholtsskóli einn þeirra. Skólarnir munu keppa til úr­slita í kvöld, þann 11. nóv­em­ber og verður úrslitavöldið sýnt í beinni sjón­varps­út­send­ingu á RÚV sem hefst kl.20:05. Hér má sjá stutta kynningu og atriðið hjá okkar frábæru nemendum.