Mánudaginn 14. maí byrjuðu nemendur í 10. bekk að vinna að þverfaglegu lokaverkefni  sem þeir vinna sjálfstætt. Í verkefninu þurfa nemendur að afla ítarlegra upplýsinga um efnið sem þeir hafa valið, vinna úr þeim og niðurstöðum er svo skilað á fjölbreyttan hátt t.d. með vef, mynd og kynningarbæklingum. Í þetta skipti fengu nemendur að ráða hvaða efni þeir tækju fyrir og rannsökuðu. Verkefninu mun svo ljúka með kynningu fyrir aðstandendur.

Í síðustu viku hófst lestrarátak í 1.-4.bekk sem nefnist Happalestur. Með því erum við að hvetja nemendur til að sinna vel heimalestri sínum þar sem viðmiðið er að lesa a.m.k 5x í viku, 15 mínútur í senn. Fyrstu vinningarnir voru dregnir út í dag. Happanemendur 2.bekkjar voru þær Dagný Halla og Emilía Dís sem fengu Andrés önd blað og Kolbrún Lillý og Fríða sem fá að fara í frjálsan tölvutíma.

Nemendur í 8. - 10. bekk  fengu fræðslu um “sjúkaást” frá Stígamótum

Barnamenningarhátíð Reykjavíkur verður í næstu viku og þá verða ýmsar uppákomur um alla borg sem eru auglýstar á vef hátíðarinnar. Breiðholtsskóli hefur tekið þátt í Barnamenningarhátíðinni undanfarin ár með því að bjóða upp á stórar leiksýningar. Leiksýning skólans í ár verður hin sívinsæla "Lína Langsokkur " sem nemendur úr 6. bekk hafa að undanförnu æft í leiklistarsmiðju. Leikritið er fjörug og skemmtileg sýning fyrir börn á öllum aldri. Allir  eru velkomnir meðan húsrúm leyfir (frítt inn).